ඊශ්‍රායලයේ සාත්තු සේවා රැකියා අවස්ථා සඳහා පිටත් කර යැවූ ශ්‍රමිකයින්ගේ සංඛ්‍යාව මේ වන විට පන්සියය ඉක්මවා ගොස් තිබෙන බව කම්කරු අමාත්‍යාංශය ප්‍රකාශ කරයි. අද දිනයේදී ඊශ්‍රායලයේ සාත්තුසේවක රැකියා සදහා සුදුසුකම් ලැබූ ශ්‍රමිකයින් 25 දෙනෙක් සදහා ගුවන් ටිකට්පත් ලබා දී තිබෙන අතර ඒ සමගින් ඊශ්‍රායලයේ සාත්තු සේවක රැකියා සදහා පිටත් කර යැවූ ශ්‍රමිකයින්ගේ සංඛ්‍යාව 505කි.
ඒ අතරින් මේ වසර තුළදී පමණක් යැවූ ශ්‍රමිකයින්ගේ සංඛ්‍යාව 266 ක්. සාත්තුසේවක රැකියා සදහා සුදුසුකම් ලැබූ ශ්‍රමිකයින්ට ගුවන් ටිකට්පත් ලබාදීමේ අවස්ථාවට විදේශ සේවා නියුක්ති කාර්යාංශයේ නියෝජ්‍ය සාමාන්‍යාධිකාරී (බඳවාගැනීම් හා පුහුණු) සෙනරත් යාපා මහතා ඇතුළු පිරිසක් එක්ව සිටිහ.