ඉඩම් ආරවුලක් දුරදිග යාමෙන් තම සහෝදරයාව ඝාතනය කළ 24 හැවිරිදි තරුණයෙක් පොලීසියට බාර වී තිබේ.
මෙලෙස ඝාතනයට ලක්ව ඇත්තේ සූරියවැව – කොග්ගල්ල ප්‍රදේශයේ පදිංචි 29 හැවිරිදි තරුණයෙකි.
නිවසක් තුළ පුද්ගල මළ සිරුරක් ඇති බවට 119 හදිසි ඇමතුම් අංකයට ලැබුණු දුරකථන ඇමතුමකට අනුව පොලිසිය එම ස්ථානයට ගොස් තිබේ.
එහිදී අනාවරණය වී ඇත්තේ ඉඩම් ආරවුලක් හේතුවෙන් සැකකාර බාල සහෝදරයා විසින් තම වැඩිමහල් සහෝදරයාට කැත්තකින් පහර දී ඝාතනය කර ඇති බවයි.
කෙසේනමුත් පසුව ඝාතනය සිදු කළ තැනැත්තා පොලිසියට භාර වී ඇති බවයි පොලීසිය පැවසුවේ.