ලොව පුරා පුද්ගලයන් 30,000කගේ පමණ ස්විස් බැංකු ගිණුම් පිළිබද විස්තර හෙළිදරව් වී ඇති බව ‘ද ගාර්ඩියන් වෙබ් අඩවිය’ වාර්තා කරයි.
එසේ හෙළිදරව් වී ඇති බැංකු ගිණුම්වල වටිනාකම පවුම් බිලියන 80 ක් පමණ වන අතර ජාවාරම්කරුවන්, ව්‍යාපාරිකයක් සහ දේශපාලඥයන් අනීතිකව උපයා ගත් මුදල් මෙම බැංකු ගිණුම් තුළ තැන්පත් කර තිබෙන බව විශ්වාස කරයි.
යුක්රේනයේ සිට ඊජිප්තුව දක්වා දූෂිත දේශපාලඥයන්ගේ බැංකු ගිණුම් පිළිබදව මේ වන විට හෙළිදරව් වී ඇති බව ද ගාඩියන් වෙබ් අඩවිය වාර්තා කරයි.
පිලිපීනයේ මාකෝස් පවුල, යුක්රේනයේ හිටපු අග‍්‍රාමාත්‍යවරයෙකු ඇතුළු බොහෝ දෙනෙකු පිළිබදව දැනට හෙළිදරව් වී ඇති අතර සම්පූර්ණ වාර්තාවක් නුදුරේදීම බලාපොරොත්තු විය හැකි ය.