කටුනායක ගුවන්තොටුපොළේ අලුතින් ස්ථාපිත කරණු ලැබූ අධි තාක්ෂණික ගුවන් මෙහෙයුම් සන්නිවේදන පද්ධතිය නිල වශයෙන් ආරම්භ කිරීමේ වරාය, නාවික හා ගුවන්සේවා අමාත්ය නිමල් සිරිපාල ද සිල්වාගේ ප්රධානත්වයෙන් සිදු කෙරුණා.
මෙරට ගුවන් කලාපය තුළ ආරක්ෂිත ගුවන් මෙහෙයුම් පවත්වාගෙනයාම සඳහා මෙම නව අධි තාක්ෂණික ගුවන් මෙහෙයුම් සන්නිවේදන පද්ධතිය ස්ථාපිත කෙරුණු අතර ඒ සඳහා රුපියල් මිලියන 670ක පිරිවැයක් දරා තිබෙනවා.
කටුනායක ගුවන් මෙහෙයුම් පාලක මැදිරිය තුළ මෙම නව ගුවන් මෙහෙයුම් සන්නිවේදන පද්ධතිය ස්ථාපිත කෙරුනේ මෙතෙක් භාවිත කළ වසර 20ක් පමණ පැරණි ගුවන් මෙහෙයුම් සන්නිවේදන පද්ධතිය ඉවත් කරමින්.
මෙම සන්නිවේදන පද්ධතිය ක්රියාත්මක කිරීම තුළින් ගුවන්ගමන් පාලකවරුන්ට ප්රධාන පාලක මැදිරියේ සිට ගුවන්යානයට, සියළු ගුවන් තොටුපොළවලට සහ රේඩාර් මධ්යස්ථානයට ක්ෂණයකින් සම්බන්ධ වීමේ හැකියාව පවතිනවා.