අම්බලන්ගොඩ ධර්මාශෝක විදුහල අසල දී සිදුවූ වෙඩි තැබීමට සම්බන්ධ සැකකරුවකු පොලිස් විශේෂ කාර්ය බළකා නිලධාරීන් විසින් අත්අඩංගුවට ගෙන තිබේ.
විශේෂ බළකා විශේෂ මෙහෙයුම් දෙවන ඒකකයේ නිලධාරීන්ට ලද තොරතුරකට අනුව කරන්දෙණිය දෙමටගහකන්ද ප්‍රදේශයේ සිදුකළ වැටලීමක දී සැකකරු අත්අඩංගුවට ගැනීමට හැකිවූ බව පොලිස් විශේෂ කාර්ය බළකාය සඳහන් කළේය.
අත්අඩංගුවට ගෙන ඇත්තේ, 22 හැවිරිදි කරන්දෙණිය ප්‍රදේශයේ පදිංචිකරුවෙකි.
වෙඩි තැබීම සඳහා පැමිණි වෙඩික්කරුවන් පදවාගෙන පැමිණි යතුරුපැදිය සඟවා ගෙන සිටිමේ චෝදනාව යටතේ මෙම සැකකරු අත්අඩංගුවට ගෙන තිබේ.
සැකකරු වැඩිදුර විමර්ශන කටයුතු සඳහා අම්බලන්ගොඩ පොලිස් ස්ථානය වෙත භාර දී ඇති බව පොලිස් විශේෂ කාර්ය බළකාය සඳහන් කරයි.