ඇෆ්ලටොක්සින් නියමිත ප්රමාණයට වඩා අඩංගු වීම හේතුවෙන් සුපෝෂ, ලක්පෝෂ හා නැණපෝෂ යන අතිරේක ධාන්ය ආහාරමය නිෂ්පාදන මාතර අධිකරණ බල සීමාව තුළ විකිණීම හා බෙදා හැරීම තහනම් කරමින් මාතර අතිරේක මහේස්ත්රාත් සමන් ඩී. කේ. පරණ ලියනගේ පෙරේදා (09) තහනම් නියෝගයක් නිකුත් කළේය.
සුපෝෂ නිෂ්පාදනය කරන පෞද්ගලික සමාගම්වලට එරෙහිව එම තහනම් නියෝගය නිකුත් කෙරුණ අතර අපරාධ නඩු විධිවිධාන සංග්රහයේ 98 (1) ආ වගන්තිය හා අපරාධ නඩු විධාන සංග්රහයේ 104 වගන්තිය ප්රකාරව අදාල නිෂ්පාදනය මාතර අධිකරණ බල සීමාව තුළ විකිණීම වහාම ක්රියාත්මක වන පරිදි තහනම් කිරීමටද දැනට වෙළඳපොලේ පවතින එම නිෂ්පාදනවල තොග වහාම ඉවත් කිරීමටද නියෝග කළේය.
තවද එම නිෂ්පාදන වෙළඳසල්වලට නිකුත් කිරීම තහනම් කරමින් ඉන්ජන්ෂන් ආඥාවක්ද නිකුත් කරන ලදි.