පසුගියදා ආරම්භ කරන ලද රජයේ වී මිලදී ගැනීමේ වැඩසටහන සාර්ථකව ක්රියාත්මක වෙමින් පවතින බව වී අලෙවි මණ්ඩලය සඳහන් කරයි.
වී අලෙවි මණ්ඩලයේ නියෝජ්ය සාමාන්යාධිකාරී (මෙහෙයුම්) සමන් පාලිත බණ්ඩාර මහතා පැවසුවේ, ගෙවුණු දින කිහිපය තුළ අම්පාර, ත්රිකුණාමලය, කිලිනොච්චිය සහ අනුරාධපුර දිස්ත්රික්කවලින් රුපියල් මිලියන 7.8ක වටිනාකමින් යුත් වී තොග මිලදී ගෙන ඇති බවයි.
එමෙන්ම අනුරාධපුර දිස්ත්රික්කයේ ද වී මිලදී ගැනීමේ කටයුතු අඛණ්ඩව සහ සාර්ථකව සිදු කෙරෙන බව ද වාර්තා වේ.
ඊට අමතරව, ත්රිකුණාමලය දිස්ත්රික්කයේ ගෝමරන්කඩවල, තන්තිරිමලය සහ උප්පුවේලි ප්රදේශවල පිහිටි ගබඩා ද වී මිලදී ගැනීම සඳහා මේ වන විට සූදානම් කර ඇති බව වී අලෙවි මණ්ඩලය වැඩිදුරටත් සඳහන් කළේය.