කළුතර ප්‍රාදේශීය සභාවේ හිටපු මන්ත්‍රීවරයෙකුගේ සොහොයුරෙකු තීරුබදු රහිතව ගෙන්වන ලද දුම්වැටි තොගයක් සමග ඊයේ (07) ඔහුව අත්අඩංගුවට ගත් බව කළුතර උතුර පොලිසිය පවසනවා.
මෙලෙස අත්අඩංගුවට ගෙන ඇත්තේ කුඩා වස්කඩුව ප්‍රදේශයේ පදිංචි පුද්ගලයකු බවට පොලිසිය සඳහන් කළ බවයි.
ලද තොරතුරක් මත පොලිස් නිලධාරීන් වස්කඩුව ප්‍රදේශයේ දී සැකකරු පරීක්ෂා කිරීමේ දී තීරුබදු රහිත ව මෙරටට ගෙන්වන ලද දුම්වැටි 200ක් පමණ සොයාගෙන තිබෙනවා.
සැකකරු වරාය අධිකාරීයේ සේවය කරන අයෙකු බවත්, වරායෙන් පැන්න වූ දුම්වැටි ද යන්න සම්බන්ධයෙන් පරීක්ෂණ පවත්වන බව ද වාර්තාවනවා.
සැකකරු පොලිස් ඇප මත බේරාගැනීම සඳහා කළුතර දේශපාලකයන් කිහිපදෙනෙකු උත්සාහ ගනිමින් සිටින බවයි තොරතුරු වාර්තා වන්නේ.
කළුතර උතුර ස්ථානාධිපති ප්‍රධාන පොලිස් පරීක්ෂක දමිත් ජයතිලකගේ ප්‍රධානත්වයෙන් පරීක්ෂණ පැවැත්වෙනු ඇති.