යුක්‍රේනයේ කියෙව් අගනුවරට ඇඳිරිනීතිය පනවා තිබේ.
රුසියානු හමුදාව කියෙව් අගනුවර අත්පත් කර ගැනීමට දරුණු සටනක යෙදී සිටින අතර පවතින තත්වය අතිශය අසීරු සහ භයානක මට්ටමක් කරා පැමිණ ඇති බව අගනුවර නගරාධිපතිවරයා පවසයි.
එම තත්වය සැළකිල්ලට ගනිමින් ඇඳිරිනීතිය පැනවීමට ක්‍රියා කර ඇත. රුසියානු ප්‍රහාරවලින් සාමාන්‍ය වැසියන්ට සිදුවන හානිය අවම කර ගැනීම මෙහි අරමුණයි.
එයැ පැය 35ක් සඳහා බලපැවැත්වෙනු ඇති අතර රුසියානු සහ යුක්‍රේන නියෝජිතයන් අතර පවතින සාකච්ජා වඩාත් යථාර්ථවාදී ප්‍රවේශයක් කරා පැමිණ ඇතැයි යුක්‍රේන ජනාධිපති ව්ලෙදිමීර් සෙලෙන්ස්කි පවසයි.