2027 වසරේ රජයේ සහ බැංකු නිවාඩු දින ලැයිස්තුව ප්රකාශයට පත් කෙරේ
2027 වසරට අදාළ ශ්රී ලංකාවේ රජයේ සහ බැංකු නිවාඩු දින නිල කාලසටහන නිකුත් කර තිබේ.
ඒ සම්බන්ධයෙන් වන විශේෂ ගැසට් නිවේදනයක් මගින් මෙම නිවාඩු දින ප්රකාශයට පත් කර ඇති අතර, එය රාජ්ය පරිපාලන, පළාත් සභා සහ පළාත් පාලන අමාත්ය මහාචාර්ය ඒ.එච්.එම්.එච්. අබයරත්න මහතාගේ අත්සනින් නිකුත් කර ඇත.
මෙවර නිවාඩු දින කාලසටහනට බෞද්ධ, හින්දු, ඉස්ලාමීය සහ ක්රිස්තියානි ආගමික උත්සව මෙන්ම රටට වැදගත් ජාතික දිනයන්ද ඇතුළත් කර තිබේ.
2027 වසරේ ප්රධාන නිවාඩු දින කිහිපයක් පහත පරිදි වේ.
- දෙමළ තෛපොංගල් දිනය – ජනවාරි 15
- ජාතික නිදහස් දිනය – පෙබරවාරි 04
- සිංහල හා දෙමළ අලුත් අවුරුදු දිනය – අප්රේල් 14
- මැයි දිනය – මැයි 01
- වයිකාසි විශාඛා පුරාණ දිනය – මැයි 19
- දීපවාලි දිනය – ඔක්තෝබර් 28
- නත්තල් දිනය – දෙසැම්බර් 25
එමෙන්ම, මෙරට පවතින සම්ප්රදායට අනුව සියලුම පුරාණ දින රජයේ සහ බැංකු නිවාඩු දින ලෙස ප්රකාශයට පත් කර ඇති බවද සඳහන් වේ.
ශ්රී ලංකාවේ බහු ආගමික හා බහු සංස්කෘතික වටිනාකම් ආරක්ෂා කිරීමත්, ආගමික සහජීවනය තවදුරටත් ශක්තිමත් කිරීමත් අරමුණු කර ගනිමින් මෙම නිවාඩු දින ලැයිස්තුව සකස් කර ඇති බව රජය ප්රකාශ කර ඇත.