කටාර් ඇතුළු මැදපෙරදිග කලාපයේ ආරක්ෂක තත්ත්වය උණුසුම් වෙයි
ඉරානය විසින් කටාර්හි පිහිටි අල් උඩෙයිඩ් ගුවන් කඳවුර ඉලක්ක කර ප්රහාරයක් එල්ල කළ බව එරට නිල වශයෙන් ප්රකාශ කර තිබේ.
එම ප්රහාරයේදී ප්රහාරක ජෙට් යානා යොදාගෙන නඩත්තු මධ්යස්ථානයක්, අණදෙන සහ පාලන පහසුකම් මධ්යස්ථානයක් විනාශ කළ බව ඉරානය සඳහන් කරයි.
ඊට අමතරව, ඕමානයේ පිහිටි අමෙරිකානු නාවික හමුදාවේ සැපයුම් හා ඉන්ධන පිරවුම් මධ්යස්ථානයක්ද ඉලක්ක කර ප්රහාර එල්ල කර ඇති බවට වාර්තා පළ වී ඇත.
මේ අතර, එක්සත් අරාබි එමීර් රාජ්යය ප්රකාශ කර ඇත්තේ ඉරානයෙන් එල්ල වන මිසයිල සහ ඩ්රෝන ප්රහාර තම ගුවන් ආරක්ෂක පද්ධති මඟින් සාර්ථකව ව්යර්ථ කරමින් සිටින බවයි.
කලාපයේ ආරක්ෂක අවදානම ඉහළ යාම හේතුවෙන් කටාර් අභ්යන්තර කටයුතු අමාත්යාංශය ජනතාවට තම නිවෙස්වල හෝ වෙනත් ආරක්ෂිත ස්ථානවල රැඳී සිටින ලෙස දැනුම් දී තිබේ. එමෙන්ම නිල ආරක්ෂක උපදෙස් අනුගමනය කරන ලෙසත්, අනවශ්ය ගමන් බිමන්වලින් වැළකී සිටින ලෙසත් ජනතාවගෙන් ඉල්ලීමක් කර ඇත.
බහරේනයේ අභ්යන්තර කටයුතු අමාත්යාංශය ද ගුවන් ප්රහාර අනතුරු ඇඟවීමේ සයිරන් ක්රියාත්මක කර ඇති බැවින් මහජනතාව සන්සුන්ව සිටින ලෙස දැනුම් දී තිබේ.
තවද, අමෙරිකානු ප්රහාරවලට ප්රතිචාර ලෙස ජෝර්දානයේ පිහිටි අමෙරිකා හමුදා කඳවුරකට ප්රහාරයක් එල්ල කළ බව ඉරානය ප්රකාශ කරයි. එහිදී ප්රින්ස් හසන් ගුවන් කඳවුරේ අණදෙන හා පාලන මධ්යස්ථානය සහ MQ-9 ඩ්රෝන යානා රඳවා තබන මධ්යස්ථාන විනාශ වූ බවද එරට සඳහන් කර ඇත.