පවතින කොවිඩ් තත්ත්වය හමුවේ මුව ආවරණ පළඳින ලෙස දැඩිව නිර්දේශ කරන බව සෞඛ්‍ය අමාත්‍යංශය දැනුම් දෙනු ලබයි.
ඒ අනුව මහජනතාව ගෘහස්ථ පරිශ්‍රවල, පොදු ස්ථානවල සහ පොදු ප්‍රවාහන සේවා භාවිත කරන අවස්ථාවලදී මුව ආවරණ පැළඳිය යුතු බව සෞඛ්‍ය අමාත්‍යංශය අවධාරණය කරයි.
එය නීතියක් වශයෙන් පැනවීමක් සිදු නොකළද සියලු ජනතාව මුව අවරණ පැළඳීම මෙම අවස්ථාවේ අත්‍යාවශ්‍ය බව එම අමාත්‍යංශය වැඩිදුරටත් දන්වනු ලබයි.
මේ දිනවල මෙරටින් වාර්තා වන කොවිඩ් ආසාදිතයන් සංඛ්‍යාවේ වර්ධනයක් පෙන්නුම් කරනු ලබන අතර සෞඛ්‍ය අංශ දැනුම් දෙන්නේ මාස කිහිපයකට පසු මෙරටින් කොවිඩ් ආසාදිත මරණද වාර්තා වීම ඉහළ ගොස් ඇති බවයි.