පසුගිය 09 වැනිදා කොළඹ කොටුව ජනාධිපති මන්දිරයෙන් විදුලි ඉස්ත්‍රික්කයක් සොරකම් කළ සිද්ධියකට අත්අඩංගුවට ගැනුණු පුද්ගලයෙකු ලබන 05 වැනිදා දක්වා රක්ෂිත බන්ධනාගාර ගත කර තිබේ.
ඒ අදාල සැකකරු ඊයේ (28) කොළඹ කොටුව මහෙස්ත්‍රාත් අධිකරණය වෙත ඉදිරිපත් කිරීමෙන් අනතුරුවයි.
මෙලෙස රක්ෂිත බන්ධනාගාර ගතකර ඇත්තේ කොළඹ 13 ප්‍රදේශයේ පදිංචිකරුවෙක් බවයි වාර්තා වුණේ. පසුගිය 09 වැනිදා අරගලකරුවන් කොළඹ කොටුව ජනාධිපති මන්දිරය අත්පත් කරගත් අවස්ථාවේදී මෙම පුද්ගලයා විසින් එහි තිබූ විදුලි ඉස්ත්‍රික්කයක් සොරාගෙන ගොස් තිබුණා.
මේ අතර අරලියගහ මන්දිරයේ තිබූ රූපවාහිනී යන්ත්‍ර දෙකක් සොරකම් කිරීමේ සිද්ධියක් සම්බන්ධව අත්අඩංගුවට ගත් පුද්ගලයෙක් ලබන 10 වැනිදා දක්වා රක්ෂිත බන්ධනාගාර ගත කර තිබෙනවා.