කොටුව ජනාධිපති මන්දිරයේ ඇති වයිෆයි භාවිත කරමින් අන්තර්ජාලය ඔස්සේ දුරකථන ඇමතුම් ලබාගත් කිහිපදෙනෙකු සම්බන්ධයෙන් පොලිසිය විමර්ශනයක් ආරම්භ කර තිබේ.
පසුගිය 09 වැනිදා අරගලකරුවන් කොටුව ජනාධිපති මන්දිරයට අත්පත් කර ගැනීමෙන් පසුව ඔවුන් මෙලෙස ඇමතුම් ලබාගෙන ඇති බව අනාවරණය වී ඇත.
ඒ අනුව පොලිසිය මේ වන විට අදාළ දුරකථන දත්ත අධ්‍යයනය කරමින් සිටින අතර මීට සම්බන්ධ වූවන් අත්අඩංගුවට ගෙන ප්‍රශ්න කිරීමට නියමිත බව වාර්තා වෙයි.
මේ අතර ජනාධිපති මන්දිරයට ඇතුළු වී ඊට අලාභ හානි කළ පුද්ගලයන් 100කට වැඩි පිරිසකගේ ඇඟිලි සලකුණු සටහන් මේ වන විට හඳුනා ගෙන ඇති බවයි පොලිසිය වැඩිදුරටත් සඳහන් කළේය.