කෙතරම් ආර්ථික අර්බුදයකට රට වැටී තිබුණද පළාත් පාලන මැතිවරණය පැවැත්වීම සඳහා අවශ්‍ය මුදල් ලබාදීම රජයේ වගකීමක් බව ජාතික මැතිවරණ කොමිසම පවසයි.
මැතිවරණ කොමසාරිස් සමන් ශ්‍රී රත්නායක පැවසුවේ මැතිවරණය පැවැත්වීම සඳහා අවශ්‍ය මූලික කටයුතු මේ වනවිට අවසන් කර ඇති බවයි.
2022 ඡන්ද හිමි නාමලේඛනයට අනුව ඉදිරි මැතිවරණ සඳහා 16,856,629 දෙනෙකු ඡන්දය ප්‍රකාශ කිරීමට සුදුසුකම් ලබා ඇත.
අධිකරණ නියෝගයෙන් මැතිවරණය නතර නොකළහොත් මැතිවරණය පැවැත්වීමට අවශ්‍ය කටයුතු සම්පාදනය කරන බව මැතිවරණ කොමසාරිස් සමන් ශ්‍රී රත්නායක පවසයි.
මැතිවරණය කල් දැමීම ජාතික මැතිවරණ කොමිසමේ වගකීමක් නොවන බවත් මැතිවරණය කල් දැමීම ජාතික මැතිවරණ කොමිසමේ වගකීමක් නොවන බවත් ඔහු සඳහන් කළේය.