චීන උප අමාත්‍ය චෙන් ෂෝ ඊයේ (15) හිටපු ජනාධිපති මහින්ද රාජපක්ෂ හමුවුණා.
ශ්‍රී ලංකාව සමඟ ද්විපාර්ශ්වික සබඳතා ගොඩනඟා ගැනීමට චීනයේ කැපවීම එම හමුවේදී ඔහු යළිත් තහවුරු කළේය.
චීනයේ කොමියුනිස්ට් පක්ෂයේ මධ්‍යම කාරක සභාවේ ජාත්‍යන්තර කටයුතු පිළිබඳ උප අමාත්‍ය චෙන්, ශ්‍රී ලංකාවට පැමිණි චීන කොමියුනිස්ට් පක්ෂයේ (CPC) ඉහළ පෙළේ නියෝජිත පිරිසට නායකත්වය දෙනු ලබයි.
පසුගිය ඔක්තෝම්බර් මාසයේදී චීන කොමියුනිස්ට් පක්ෂයේ 20 වැනි ජාතික කොංග්‍රසයෙන් පසු ඉහළ පෙළේ නියෝජිත පිරිසක් සංචාරය කරන ලද පළමු නිල සංචාරය මෙයයි.