දැරණියගල මලන්දෙණිය ප්රදේශයේ නිවසක තිබී මියගිය කාන්තාවන් දෙදෙනෙකුගේ සිරුරු සොයාගෙන තිබෙනවා.
අභිරහස් ලෙස මියගොස් ඇති මෙම කාන්තාවන් දෙදෙනා සහෝදරියන් බවටයි අනාවරණ වී ඇත්තේ.
අදාළ නිවසේ සිටි 90 හැවිරිදි මව දැරණියගල රෝහලට ඇතුලත් කර තිබෙනවා.
මියගොස් ඇත්තේ අවුරුදු 49 සහ 51 යන වයස්වල පසුවූ කාන්තාවන් දෙදෙනෙක් බවටයි අනාවරණ වී ඇත්තේ.
මෙම කාන්තාවන් දෙදෙනා මීට දින කිහිපයකට පෙර මියගොස් ඇති බවටයි දැනට සිදු කළ විමර්ශණවලදී හෙළිවී ඇත්තේ. මහේස්ත්රාත් පරීක්ෂණය සඳහා මෘත ශරීර එම නිවසේ පොලිස් ආරක්ෂාව යටතේ තබා තිබෙනවා.
මරණවලට නිශ්චිත හේතුවක් මෙතෙක් අනාවරණ වී නොමැති අතර සිද්ධිය සම්බන්ධයෙන් දැරණියගල පොලිසිය පරීක්ෂණ ආරම්භ කර තිබෙනවා.
මේ අතර ඊයේ පිටිගල ඕමන්ත ප්රදේශයේ නිවසක තිබියදී ද කාන්තාවන් දෙදෙනෙකුගේ සිරුරු පොලිසිය සොයාගෙන තිබුණා.