රාජ්‍ය ඇමතිනී ඩයනා ගමගේගේ විදේශ ගමන් බලපත්‍රය සම්බන්ධයෙන් විමර්ශන සිදුකරන ලෙස ඉල්ලා ගොනුකර ඇති පැමිණිල්ල අද (02) කැඳවනු ලැබීය.
එහිදී දෙපාර්ශවයේ නීතිඥවරු අතර ඇතිවූ උණුසුම් හුවමාරුවක් නිසා නඩුව පසුවට කල් තැබීමට මහෙස්ත්‍රාත්වරයා නියෝග කර ඇත.
එම පැමිණිල්ල අද කැඳවූ අවස්ථාවේදී ඩයනා ගමගේ මහත්මියගේ අයිතිවාසිකම් වෙනුවෙන් පෙනී සිටි ජනාධිපති නීතිඥ ශවීන්ද්‍ර ප්‍රනාන්දු සහ අගතියට පත් පාර්ශවවලින් පෙනී සිටි නීතිඥ ගුණරත්න වන්නිනායක ඇතුළු නීතිඥවරුන් අතර ඇතිවූ උණුසුම් වචන හුවමාරුවෙන් අනතුරුවයි මහෙස්ත්‍රාත්වරයා මෙම තීරණයට ගෙන ඇත්තේ.