බිරිඳ විසින් තම සැමියාව නිදි යහනේදීම ඝාතනය කිරීමේ පුවතක් වලපනේ, පාලුගෙදර ප්රදේශයෙන් වාර්තා වෙනවා.
සිය ඥාතී නිවසක පැවති දානමය පිංකමකට යාමට ස්වාමියා ඉඩ නොදීම හේතුවෙන් මෙම ඝාතනය සිදු කර ඇති බවයි අනාවරණය වී ඇත්තේ.
පොලිසිය විසින් අදාළ කාන්තාව අත්අඩංගුවට ගෙන ඇති අතර එළඹෙන 27 වැනිදා තෙක් ඇය රක්ෂිත බන්ධනාගාරගත කර තිබේ.
සිද්ධියෙන් මියගොස් ඇත්තේ 44 හැවිරිදි දෙදරු පියෙක් වන අතර ඔහු නිදා සිටියදී බිරිඳ විසින් ඔහුගේ ගෙල මිරිකා ඇති බවයි අනාවරණය වී ඇත්තේ.
සිද්ධිය සම්බන්ධයෙන් වලපනේ පොලිසිය වැඩිදුර විමර්ශන සිදුකරනු ලබයි.