සුරාබදු බලපත්‍ර යටතේ අලෙවි කළ මත්පැන් භාවිතය අවම වී ඇති බව මුදල් රාජ්‍ය අමාත්‍ය රංජිත් සියඹලාපිටිය පැවසීය.
පසුගියදා ඌරාපොළ ප්‍රදේශයේ පැවති වැඩසටහනකින් අනතුරුව මුදල් රාජ්‍ය අමාත්‍යවරයා සඳහන් කළේ, පවතින තත්ත්වය හමුවේ නීතිවිරෝධි මත්පැන් භාවිතය ඉහළ ගොස් ඇත්ද යන්න පිළිබඳව සොයා බලන බවයි.
මේ අතර සුරාබදු දෙපාර්තමේන්තුව සඳහන් කළේ පසුගිය අප්‍රේල් 5 වැනිදා සිට 25 වැනිදා දක්වා කාලය තුළ නීතිවිරෝධි ලෙස මත්ද්‍රව්‍ය නිෂ්පාදනය සහ අලෙවි කිරීම් සම්බන්ධයෙන් දිවයින පුරා වැටලීම් 2,450ක් සිදු කර ඇති බවයි.