දකුණු මුහුදු තීරයේදී මත්ද්රව්ය විශාල තොගයක් සමඟ සැකකරුවන් 06ක් අත්අඩංගුවට ගෙන තිබේ.
රාජ්ය බුද්ධි සේවාව හා ශ්රී ලංකා නාවික හමුදාව එක්ව සිදුකළ ඒකාබද්ධ බුද්ධි මෙහෙයුමකින් ලද තොරතුරකට අනුවයි මෙම මෙහෙයුම සිදුකර ඇත්තේ.
ශ්රී ලංකාවට දකුණු දෙසින් වූ ගැඹුරු මුහුදේ සිදුකළ විශේෂ සෝදිසි මෙහෙයුමකදී, මත්ද්රව්ය විශාල තොගයක් රැගත් මෙරට බහුදින ධීවර යාත්රාවක් සමඟ මෙම සැකකරුවන් 06 දෙනා අත්අඩංගුවට ගෙන ඇත.
එම මත්ද්රව්ය තොගය රැගත් බහුදින ධීවර යාත්රාව සහ සැකකරුවන් අද (18) කොළඹ වරාය වෙත රැගෙන ඒමට නියමිතය.