කඩුවෙල, මහරගම අවට ප්‍රදේශ රැසකට අද රාත්‍රියේ සිට පැය 10ක කාලයක් ජල සැපයුම අත්හිටුවන බව ජාතික ජල සම්පාදන හා ජලපවහන මණ්ඩලය පවසයි.
අඹතලේ ජල පවිත්‍රාගාරයේ හදිස්සි නඩත්තු කටයුත්තක් හේතුවෙනුයි මෙම ජල කප්පාදුව සිදු කෙරෙන අතර ඒ අනුව අද (19) රාත්‍රී 10 සිට සෙනසුරාදා (20) උදෑසන 8.00 දක්වා ජල කප්පාදුවක් සිදු කරන බවයි ඔවුන් පවසන්නේ.
ඒ අනුව කෝට්ටේ සහ කඩුවෙල මහ නගර සභා බල ප්‍රදේශය, මහරගම සහ බොරලැස්ගමුව මහ නගර සභා බල ප්‍රදේශයට සහ කොළඹ 4,5,7,8 ප්‍රදේශ වලට මෙලෙස ජල කප්පාදුව සිදුකෙරෙනු ඇත.