සෞඛ්‍ය වෘත්තීය සමිතිවලට එරෙහිව කොළඹ දිසා අධිකරණය මගින් වාරණ නියෝගයක් නිකුත් කර තිබුණද තවදුරටත් සෞඛ්‍ය වර්ජනය ක්‍රියාත්මක වේ.
රජයේ හෙද නිළධාරීන්ගේ සංගමය සඳහන් කළේ වර්ජනය සම්බන්ධයෙන් අධිකරණය මගින් ලබාදුන් වාරණ නියෝගය තමන් වෙත මෙතෙක් ලැබී නොමැති බවයි. වාරණ නියෝග ලැබුණු වහාම විධායක කමිටුව රැස් වී ඉදිරියේදී ගනු ලබන ක්‍රියාමාර්ග සම්බන්ධයෙන් සාකච්ඡා කරන බව එහි සභාපති සමන් රත්නප්‍රිය පවසයි.
සෞඛ්‍ය ක්ෂේත්‍රයේ සිදුවන සෑම වැඩවර්ජනයක්ම දේශපාලන පසුබිමක් යටතේ සිදුවන බව රජයේ වෛද්‍ය නිළධාරීන්ගේ සංසදයේ සභාපති වෛද්‍ය රුක්ෂාන් බෙල්ලන අවධාරණය කළේය.