තම සිඟිති දියණියට ආහාර ලබාදෙමින් සිටි 26 හැවිරිදි මවකට හදිසියේ ඇති වූ අසනීප තත්ත්වයක් හේතුවෙන් ආහාර ගනිමින් සිටි දියණිය ආහාර උගුරේ සිරවීමෙන් අවාසනාවන්ත ලෙස ජීවිතක්ෂයට පත් වූ පුවතක් බගවන්තලාව ප්‍රදේශයෙන් වාර්තා වනවා.
අදාළ මව සිය දියණියට ආහාර ලබදෙමින් සිටින අතරතුර එකවරම මවට අපස්මාර රෝගය වැළඳී ඇති බවයි වාර්තා වුණේ.
එම අවස්ථාවේදී දැරියගේ උගුරේ ආහාර සිරවීමෙන් ඇය මෙලෙස ජීවිතක්ෂයට පත්ව ඇති බවයි පොලිසිය සඳහන් කළේ. දැරිය මව බදාගෙන බිම වැතිරි සිටින අවස්ථාවේදී අසල්වාසීන් විසින් දැරිය සහ මව ඊයේ (25) රෝහල් ගත කිරීමටයි කටයුතු කර ඇත්තේ.
එලෙස රෝහල් ගතකරන අවස්ථාවේදී දැරිය මියගොස් සිට ඇති බව බගවන්තලාව පොලිසිය වැඩිදුරටත් සඳහන් කළා. මියගිය දැරියගේ සිරුර සම්බන්ධයෙන් පශ්චාර මරණ පරීක්ෂණය සඳහා එය දික්ඔය මුලික රෝහල වෙත යොමු කර තිබෙනවා.
