පසුගිය ජූලි මාසයේදී විදුලි බිල අඩු කිරීමෙන් තමන් දැඩි අපහසුතාවයකට පත් කර ඇති බව ලංකා විදුලිබල මණ්ඩලය පවසයි.
එබැවින් නැවත විදුලි බිල වැඩි කිරීමට අවසර දෙන ලෙස ඉල්ලා විදුලිබල මණ්ඩලය මහජන උපයෝගිතා කොමිෂන් සභාවට ලිපියක් යවා තිබේ.
කෙසේ වෙතත්, මෙම ලිපිය සලකා නොබලන බවයි මහජන උපයෝගිතා කොමිෂන් සභාව නිවේදනය කර ඇත්තේ.
විදුලි ගාස්තු ඉහළ දැමීම සඳහා ඉල්ලීමක්‌ කළ යුතු ක්‍රමවේදයක්‌ පවතින බවත්, එම ක්‍රමය උල්ලංඝනය කරන අයදුම්පත් භාර නොගන්නා බවත් මහජන උපයෝගිතා කොමිෂන් සභාව නිවේදනයක් නිකුත් කරමින් පවසයි.