මැයි මස 09 වැනිදායින් පසු පාසල් ළමුන්ගේ සපත්තු සහ බෑග් මිල අඩු කිරීමට නිෂ්පාදකයින් එකඟ වූ බව මුදල් රාජ්‍ය ඇමති රංජිත් සියඹලාපිටිය පවසයි.
ඊයේ (25) මුදල් අමාත්‍යාංශයේදී එම නිෂ්පාදකයෝ මුදල් රාජ්‍ය ඇමති රංජිත් සියඹලාපිටිය අතර සාකච්ඡාවක් පැවති අතර එහිදී ඔවුන් එකඟ වී ඇත්තේ පාසල් බෑග් හා සපත්තු රුපියල් 500ත් 1000ත් අතර මිලකින් අඩු කිරීමටයි.
එම සාකච්ඡාවේදී අමාත්‍යවරයා නිෂ්පාදකයින්ට පවසා ඇත්තේ ඩොලරයේ අගය අඩුවී තිබෙන බැවින් පාසල් බෑග් සහ සපත්තු නිෂ්පාදනවලට යොදා ගන්නා අමුද්‍රව්‍ය මිල අඩුවී තිබෙන බවත් එම නිසා එහි වාසිය පාසල් ළමුන්ට ලබා දෙන ලෙසත්ය.
ඒ අනුව මැයි 09 වැනිදායින් පසුව පාසල් බෑග් සහ සපත්තුවල මිල රුපියල් 500ත් 1000ත් අතර මිලකින් අඩුකිරීමට නිෂ්පාදකයන් එකඟතාවය පළකර තිබේ.